ЕҰУ-да практика бойынша құжаттарды рәсімдеудің цифрлық механизмі таныстырылды

Smart жүйесінде Практика бойынша "Жұмыстарды (қызметтерді) орындауға арналған келісім-шарт" (мектеп мұғалімдерімен) бойынша модулды таныстыру бойынша онлайн жиналыс өтті.

Карьера және бизнес-әріптестігі бөлімінің ұйымдастыруымен Microsoft Teams платформасында практикаға қатысты құжаттарды Smart ақпараттық жүйесінде рәсімдеу мәселелеріне арналған онлайн жиналыс өтті.

Іс-шараның негізгі мақсаты - практика бойынша құжаттарды электронды форматта рәсімдеуге мүмкіндік беретін Smart жүйесіндегі жаңа модульдердің функционалдық мүмкіндіктерін таныстыру және оларды қолдану тәртібін түсіндіру.

Жиын барысында Цифрлық даму департаментінің бизнес-талдаушы-тестілеушісі Сабина Абдиева қатысушыларға жүйеде жұмыс істеудің негізгі кезеңдерін таныстырды. Атап айтқанда:

• Мектеп мұғалімдері үшін практика бойынша төлем келісім-шартын құру;
• Қосымша келісім-шарттарды рәсімдеу;
• Орындалған жұмыстар актісін тапсыру тәртібі көрсетілді.

Сондай-ақ құжаттарды жүйе арқылы рәсімдеу ерекшеліктері мен практикаға қатысты электронды құжат айналымын тиімді ұйымдастыру жолдары түсіндірілді.

Онлайн форматта өткен іс-шара қатысушыларға Smart ақпараттық жүйесінің мүмкіндіктерін тәжірибе жүзінде меңгеруге және практикаға қатысты құжаттарды рәсімдеу үдерісін жеңілдетуге мүмкіндік берді.