Бірінші курс студенттерінің бейімделуі: Саясаттану кафедрасының студенттері ЕҰУ психологымен кездесті

2026 жылғы 24 қыркүйекте Халықаралық қатынастар факультеті Саясаттану кафедрасының бірінші курс студенттері (С-13 тобы) үшін Л.Н. Гумилев атындағы ЕҰУ Психологиялық қолдау орталығының психологы А.Т. Жекьяновамен кездесу ұйымдастырылды.

Іс-шараның басты мақсаты — қолайлы әлеуметтік-психологиялық орта қалыптастыру, жаңа студенттердің психикалық денсаулығын сақтау және олардың тұлғалық дамуына қолдау көрсету.

Кездесу барысында маман мынадай маңызды мәселелерге тоқталды:

Университеттегі оқу үдерісіне сәтті бейімделу;

Тұрақты эмоционалдық жағдайды сақтау жолдары;

Психологиялық әл-ауқат және тұлғааралық қарым-қатынасты дұрыс құру.

Кездесу ашық әрі сенімді жағдайда өтті. Студенттер талқылауға белсенді қатысып, өз пікірлерімен бөлісті, толғандырған сұрақтарын қойып, кәсіби маманнан тиісті кеңестер алды.