«Көлік инженериясы» кафедрасы Астана мектептерінде кәсіптік бағдар беру кездесулерін өткізді

2026 жылғы 15 қазанда "Көлік инженериясы" кафедрасының оқытушылар құрамы Астана қаласының № 42 және №43 орта мектептерінде болды. Іс-шара бітіруші сынып оқушыларын жоғары білім алу перспективаларымен және оқуға түсу шарттарымен таныстыру мақсатында кәсіптік бағдар беру жұмысы ұйымдастырылды. Кездесу барысында оқушыларға кафедрадағы жүзеге асырылатын білім беру бағдарламалары туралы, сондай-ақ "Көлік инженериясы" бағыты бойынша оқытудың ерекшеліктері туралы айтылды. Гранттық оқыту нысанына түсу мәселелеріне ерекше назар аударылды: оқушыларға мемлекеттік білім беру гранттарын беру тәртібі, іріктеу критерийлері, қажетті құжаттар тізбесі және өтініш беру мерзімдері түсіндірілді.

Сонымен қатар, оқуға түсу кезінде артықшылықтар беретін олимпиадалар мен конкурстарға қатысу мүмкіндіктері жарияланды.

Студенттерді әлеуметтік қолдау тақырыбы қозғалды, стипендиялық бағдарламалар, жатақханалар және қаладан тыс білім алушылар үшін тұру жағдайлары туралы айтты. Кездесу соңында оқушылар өздерін қызықтырған сұрақтарын қойып, кафедра өкілдерінен толық жауаптар алды.

Мұндай іс-шаралар оқушылардың қол жетімді білім беру туралы хабардар болуына ықпал етеді және оларға болашақ мамандықты саналы түрде таңдауға көмектеседі.