Педагогикалық практика аясында магистрант Жұмағали А.Қ. Еуропалық Одақтағы цифрлық технологиялар және киберқауіпсіздік аудиті тақырыбында дәріс өткізді

2026 жылғы 19 қазанда М173-4121-25-03 тобының 2 курс магистранты Жұмағали Аяжан Қайратқызы педагогикалық практика аясында «6В04121 – Мемлекеттік аудит» білім беру бағдарламасының В145-4121-24-02 тобының 3 курс студенттеріне 409-аудиторияда «Activities of the SAI of the EU Countries» («Еуропалық Одақ елдерінің жоғары аудит органдарының қызметі») пәні бойынша дәріс өткізді.

Дәріс тақырыбы: «Digital Technologies and Cybersecurity Auditing in the European Union» («Еуропалық Одақтағы цифрлық технологиялар және киберқауіпсіздік аудиті»).

Дәріс барысында Еуропалық Одақ елдеріндегі мемлекеттік аудит жүйесін цифрландырудың негізгі бағыттары, заманауи ақпараттық технологияларды аудит қызметінде қолдану ерекшеліктері, сондай-ақ киберқауіпсіздік аудитінің мемлекеттік басқару жүйесіндегі рөлі мен маңызы қарастырылды. Сонымен қатар Еуропалық Одақ елдерінің жоғары аудит органдарының цифрлық трансформация жағдайындағы қызметі, ақпараттық жүйелердің қауіпсіздігін бағалау, кибертәуекелдерді анықтау және оларды басқару мәселелеріне ерекше назар аударылды.

Сабақтың мазмұны теориялық білімді халықаралық тәжірибемен және практикалық мысалдармен ұштастыруға бағытталды. Студенттерге Еуропалық Одақ елдерінің жоғары аудит органдарының қызметінде цифрлық технологияларды пайдалану ерекшеліктері түсіндіріліп, деректерді талдау, ақпараттық жүйелерді бақылау, киберқауіпсіздік тәуекелдерін бағалау және мемлекеттік ақпараттық ресурстардың қорғалу деңгейін тексеру тәсілдері таныстырылды. Сонымен қатар Еуропалық аудиторлар сотының (European Court of Auditors) қызметі және цифрлық ортадағы мемлекеттік аудитті дамыту мәселелері қарастырылды.

Дәрісті өткізу барысында қолданылған оқыту әдістері: теориялық материалды түсіндіру және жүйелі баяндау, мультимедиялық презентация арқылы көрнекілік әдісі, сұрақ-жауап, студенттермен тақырыптық талқылау, сондай-ақ Еуропалық Одақтың жоғары аудит органдарының қызметіне қатысты практикалық мысалдарды талдау. Оқу материалын меңгеруді жеңілдету мақсатында кибераудит, ақпараттық қауіпсіздік, цифрлық тәуекелдер және мемлекеттік аудиттегі инновациялық технологиялар бойынша негізгі терминдер мен ұғымдарға түсіндірме берілді.

Студенттердің тақырыпқа қызығушылығын арттыру және алған білімдерін бекіту мақсатында цифрлық технологиялардың мемлекеттік аудит тиімділігіне әсері, киберқауіпсіздік аудитінің негізгі кезеңдері және Еуропалық Одақ елдерінің тәжірибесін Қазақстан Республикасының мемлекеттік аудит жүйесінде қолдану мүмкіндіктері талқыланды. Теориялық материал халықаралық тәжірибемен салыстырыла отырып, студенттердің цифрлық мемлекеттік аудиттің даму үрдістері туралы түсініктерін кеңейтуге мүмкіндік берді. Дәріс барысында қарастырылған мәселелер мемлекеттік аудиттің дәстүрлі әдістерімен қатар цифрлық құралдарды пайдаланудың маңыздылығын түсіндіруге және болашақ мамандардың кәсіби құзыреттіліктерін дамытуға бағытталды.

Нәтижесінде студенттер Еуропалық Одақ елдеріндегі жоғары аудит органдарының цифрлық технологияларды қолдану ерекшеліктері, киберқауіпсіздік аудитінің мақсаты мен міндеттері, ақпараттық жүйелердегі тәуекелдерді бағалау тәсілдері және цифрлық аудиттің мемлекеттік қаржылық бақылау жүйесіндегі маңызы туралы білімдерін кеңейтті. Дәріс студенттердің халықаралық мемлекеттік аудит тәжірибесі жөніндегі теориялық білімдерін толықтыруға және цифрлық технологиялар мен киберқауіпсіздік аудиті саласындағы кәсіби түсініктерін қалыптастыруға ықпал етті.