
Бір сұрақ. Он бес тағдырлы ой. Жүздеген толғаныс. «Өмірдің мәні неде?»

23 қазан күні Л.Н. Гумилев атындағы музейде осы мәңгілік әрі әр адамға жақын сұрақ ерекше мағынаға ие болды. Мұнда «Өмірдің мәні неде?» тақырыбындағы үздік эссе авторларын марапаттау рәсімі өтті.
Біз үшін ерекше мақтаныш, байқау жеңімпаздары мен жүлдегерлері қатарында «Көлікті ұйымдастыру, қозғалыс және көлікті пайдалану» кафедрасының «Логистика» және «Көлікті ұйымдастыру, қозғалыс және көлікті пайдалану» білім беру бағдарламаларында оқитын шамамен 10 бірінші курс студентінің болуы.
Әрбір эссе автордың ішкі жан дүниесінің айнасына айналды. Әр жұмыста өзіндік көзқарас, өзіндік үн, өмірлік ұстаным мен өмірдің мәнін түсінуге деген талпыныс көрініс тапты. Студенттеріміз үшін бұл байқау тек өз ойларын ортаға салудың ғана емес, сонымен қатар шығармашылық қабілетін, терең ойлау деңгейін және ең маңызды сұрақтарға жауап іздеудегі батылдығын көрсетудің мүмкіндігі болды.
Қазылар алқасының жоғары бағасы олардың талантына, шынайылығына және парасатты ойлау қабілетіне берілген лайықты құрмет болды.
Студенттермен бірге топ кураторы Ермұханова Альбина Салауатқызы да жастарды қолдап, олардың дамуына қосқан зор үлесі үшін марапатқа ие болды.
Барлық қатысушылар мен жеңімпаздарды шын жүректен құттықтаймыз!
Бұл жетістік жаңа белестерге бастар алғашқы қадам болсын. Ойларыңыз бен идеяларыңыз көпшіліктің жүрегінен орын тауып, білімге және өзін-өзі дамытуға деген ұмтылыстарыңыз жарқын болашаққа жол ашсын.
Сіздермен мақтанамыз! Сіздердің жетістіктеріңіз кафедрамыздың мақтанышы әрі келешек студенттер үшін жарқын үлгі болып қала береді.
