Қазақстан-Беларусь ғылыми-техникалық ынтымақтастық орталығы

Қазақстан-Беларусь ғылыми-техникалық ынтымақтастық орталығы шаруашылық жүргізу құқығындағы «Л.Н. Гумилев атындағы Еуразия ұлттық университеті» республикалық мемлекеттік кәсіпорнының құрылымдық бөлімшесі болып табылады.

Орталықты құруға 2007 жылғы 6 шілдеде Минск қаласында қол қойылған Беларусь Республикасының Ғылым және технологиялар жөніндегі мемлекеттік комитеті мен Қазақстан Республикасы Білім және ғылым министрлігінің Ғылым комитеті арасындағы Ниеттер туралы хаттама, сондай-ақ БНТУ-дың «Политехник» ғылыми-технологиялық паркі мен Л.Н. Гумилев атындағы ЕҰУ арасындағы ынтымақтастық туралы келісім негіз болды.

2010 жылғы 7 маусымда Л.Н. Гумилев атындағы ЕҰУ Ғылыми кеңесінің кеңейтілген отырысының шешімімен  Қазақстан-Беларусь ғылыми-техникалық ынтымақтастық орталығы құрылды.

2026 жылдың тамыз айынан бастап орталықтың басшысы қызметін тарих ғылымдарының кандидаты, қауымдастырылған профессор Сомжүрек Баубек Жұмашұлы атқарып келеді.

• Консорциум құрамына кіретін оқу орындарына, ғылыми ұйымдарға, инновациялық және өнеркәсіптік кәсіпорындарға Қазақстан Республикасы мен Беларусь Республикасындағы ғылыми зерттеулер және білім беру салаларындағы іскерлік және ғылыми байланыстарды кеңейтуге жәрдемдесу;
• Беларусь Республикасы мен Қазақстан Республикасының жоғары оқу орындары мен ғылыми-зерттеу институттарына (ҒЗИ) бірлескен ғылыми жобалар мен білім беру бағдарламаларын іске асыру барысында ақпараттық қолдау көрсету;
• Беларусь мәдениеті мен тілін насихаттау мақсатында мәдени байланыстарды нығайту;
• Екі елдің мәдениет, ғылым және білім беру салаларында конкурстар, семинарлар, вебинарлар және дөңгелек үстелдер ұйымдастыру;
• Мәдени-білім беру іс-шаралары арқылы Беларусь және Қазақстан студенттері арасындағы өзара түсіністік пен достық қарым-қатынасты нығайтуға ықпал ету;
• Беларусь Республикасынан келген студенттердің Қазақстан Республикасындағы оқу және тұрмыс жағдайларына бейімделуіне жәрдемдесу.

2011 жылы Беларусь Республикасының Президенті Александр Григорьевич Лукашенконың Л.Н. Гумилев атындағы Еуразия ұлттық университетіне жасаған сапары аясында Қазақстан мен Беларусьтің жоғары оқу орындары мен ғылыми-зерттеу институттары арасында Ғылыми-білім беру консорциумын құру туралы келісімге қол қойылды.

Консорциумның мақсаты – ғылыми зерттеулерді ұйымдастыру және жүргізу саласындағы озық тәжірибемен алмасу және оны тарату, академиялық ұтқырлықты жандандыру, ғалымдарды, оқытушылар мен студенттерді ғылыми, білім беру және мәдени салалардағы интеграциялық үдерістерге тарту.

Консорциумның Жұмыс комиссиясының отырыстары екі жылда бір рет өткізіледі. Отырыстарды өткізу орны Қазақстан мен Беларусь арасында кезектесіп отырады.

Консорциумның Жұмыс комиссиясы отырыстары

2012 жылы Л.Н. Гумилев атындағы Еуразия ұлттық университетінің бастамасымен Беларусь ұлттық техникалық университеті базасында Абай атындағы қазақ тілі, тарихы және мәдениеті орталығы ашылды. Тең құқықты негізде Л.Н. Гумилев атындағы ЕҰУ-де Беларусь тілі мен мәдениеті орталығы өз жұмысын бастады.

Консорциумның Жұмыс комиссиясының IX отырысы аясында Беларусь тілі мен мәдениеті орталығына көрнекті беларусь классигі Якуб Коластың есімі берілді.

2018 жылғы 2 наурызда Л.Н. Гумилев атындағы ЕҰУ бастамасымен Максим Танк атындағы Беларусь мемлекеттік педагогикалық университетінде Беларусь-Қазақстан мәдени-білім беру орталығы ашылды.

2025 жылы Консорциумның Жұмыс комиссиясының X отырысы аясында Орталыққа көрнекті қазақ ағартушысы, педагог және жазушы Ыбырай Алтынсариннің есімі берілді.