Оқу процессі
Жыл сайын қыркүйек және қазан айларында бірінші курс студенттері үшін бейімделу кездесулері өткізіледі. Бұл кездесулер оқуға түскен білім алушыларға көмек пен қолдау көрсетуге бағытталған. Кездесулердің мақсаты - студенттерге жаңа оқу ортасына тез бейімделуге көмектесу және мектеп өмірінен университет ортасына көшуді жеңілдету.
Бейімделу кездесулері барысында студенттер бір-бірімен және оқытушылармен танысуға мүмкіндік алады. Мұнда олар университеттің құрылымы, академиялық талаптары мен негізгі ережелері және оларға берілетін маңызды ресурстар туралы пайдалы ақпарат алады. Студенттер сонымен қатар тәжірибелі студенттерден немесе университеттің академиялық қызметкерлерінен сұрақтар қойып, оларға жауап ала алады.
Кездесулер әр студенттің қажеттіліктері мен үміттерін қанағаттандыру үшін жеке және топтық форматта өткізіледі. Бейімделу кездесулеріне арналған ілеспе бағдарлама ретінде университет корпуутарына шолу экскурсиясы, кітапханамен және басқа да маңызды нысандармен танысу және студенттерге бір-бірімен байланыс орнатуға және қолдау көрсететін байланыстар жасауға мүмкіндік беретін әртүрлі әлеуметтік іс-шараларға қатысу ұсынылуы мүмкін.
Қыркүйек және қазан айларында бірінші курс студенттеріне арналған бейімделу кездесулері студенттердің университет өміріне сәтті бейімделуінде шешуші рөл атқарады және олардың академиялық және жеке дамуы үшін қажетті қолдау мен ресурстарды қамтамасыз етеді.
Мүгедектігі бар білім алушыларды университетке оқуға түскен сәттен бастап Инклюзивті қолдау орталығы тіркеуге алып, оқуды аяқтағанға дейін инклюзивті білім алуды іске асыру үшін оларға педагогикалық, психологиялық, медициналық, әлеуметтік, техникалық сүйемелдеуді жүргізеді.
Инклюзивті қолдау орталығы мүгедектігі бар білім алушыларға келесі сүйемелдеу түрлерін ұйымдастырады.
Ұйымдастырушылық-педагогикалық сүйемелдеу келесі ұстанымдарға негізделеді: сүйемелдеу білім беру процесінің құрылымына байланысты, оның мақсаттарымен, құрылысымен, мазмұнымен және әдістерімен анықталады. Білім беру процесі-сүйемелдеу үшін негіз;
Университетте мүгедектігі бар білім алушыларды инклюзивті оқытуды психологиялық-педагогикалық сүйемелдеу жеке тұлғаның кәсіби қалыптасуын зерттеуге, қалыптастыруға, дамытуға және түзетуге бағытталған біртұтас процесс болып табылады. Бұл білімді, танымдық және эмоционалды-ерікті саланы байыту, мотивацияны дамыту, кәсіби бағдар беру және білім алушының кәсіби қалыптасуы бойынша жүйелі қызмет.
Әлеуметтік сүйемелдеу деп білім беру процесіне ілеспе және мүгедектерді кәсіптік білім беру ұйымында инклюзивті оқыту кезінде оларды әлеуметтік қолдауға бағытталған іс-шаралар жиынтығы түсініледі. Оның мақсаты-мүгедектігі бар білім алушыларды әлеуметтендіру, олардың қоғамға интеграциялануына жағдай жасау.
Әлеуметтік сүйемелдеудің негізгі міндеттері:
Оңалту әлеуетін арттыру және мүгедектігі бар білім алушылардың өмір сүру сапасын жақсарту мақсатында әлеуметтік және психологиялық-педагогикалық оңалтуды интеграциялау;
Әлеуметтік-тұрмыстық оңалтудың әртүрлі түрлеріндегі мүгедектігі бар білім алушылардың қажеттіліктерін нақтылау;
Оңалтудың жеке бағдарламасы шеңберінде мүгедектігі бар білім алушыларға қажетті және ұсынылатын қызметтер мен техникалық құралдарды нақтылау;
Білім алушыларды оңалтудың жеке бағдарламаларын іске асыру болыптабылады.
Профилактикалық - сауықтырулық сүйемелдеу. Мүгедектігі бар білім алушылардың оқуын сүйемелдеудің бұл түрі мүгедектердің психикалық ресурстары мен бейімделу мүмкіндіктерін арттыруға, олардың психикалық жай-күйін үйлестіруге, негізгі аурудың өршуінің алдын алуға, сондай-ақ иммундық мәртебені қалыпқа келтіруді қоса алғанда, фондық жағдайды қалыпқа келтіруге бағытталған міндеттерді шешуді көздейді, бұл негізгі аурудың өршу қаупін тікелей төмендетеді. Бұл міндеттерді студенттік емхана бөлімшесінің күшімен жүзеге асырылады, оның қызметтеріне консультациялық-диагностикалық және емдік профилактикалық көмек, дәрі-дәрмекпен емдеу, физиотерапиялық процедуралар жатады.
Техникалық сүйемелдеу: оқытудың қосалқы техникалық құралдарын (мысалы, мамандандырылған жұмыс үстелдері, отыруға және дене қалпын өзгертуге арналған тіректер, микрофондар, диктофондар және т. б.);
Үй-жайлардың қолжетімділігін (көпірлер, пандустар, түсулер, дыбыстық сөйлеу ортасы, көру ортасы және т.б.) қамтамасыз етеді;
Еңбек қауіпсіздігі және өндірістік оқытудағы оқу және жұмыс орындарын бейімдеу;
Мүгедектігі бар білім алушылардың әртүрлі санаттары үшін оқу, рекреациялық және тұрғын үй ортасын жабдықтау;
Жұмыс орындары мен тұрғын үйді жабдықтау бойынша жеке консультация беру.
Көру және есту қабілеті бойынша мүгедектігі бар білім алушыларға «жақсы» және «өте жақсы» деген бағаға семестрді жапқан жағадайда стипендияға белгіленген стипендияның 75 процентінде (%) қосымша төлем қосылады.
