Сапаны қамтамасыз ету департаменті

Сапаны қамтамасыз ету департаментінің қызметінің негізгі мақсаты - «Л.Н. Гумилев атындағы Еуразия ұлттық университеті» коммерциялық емес акционерлік қоғамның білім беру және басқару қызметінің сапа жүйесін қамтамасыз ету және дамыту, процестердің тиімділігі мен ашықтығын арттыру, Қазақстан Республикасы заңнамасының, халықаралық стандарттардың, ішкі құжаттардың талаптарының, сонымен қатар академиялық адалдық пен іскерлік этика қағидаттарының сақталуын қамтамасыз ету.

Сапаны қамтамасыз ету департаментінің негізгі міндеттері: ішкі сапаны қамтамасыз ету процестерін үйлестіру және әдістемелік сүйемелдеу; Қазақстан Республикасының заңнамасының, ішкі құжаттардың және академиялық адалдық қағидаттарының сақталуы тұрғысынан құрылымдық бөлімшелердің қызметіне жүйелі мониторинг пен ішкі бақылау жүргізу; білім беру және басқару қызметінің сапасы мәселелері бойынша басшылыққа арналған талдамалық, ақпараттық және есептік материалдарды қалыптастыру; үздіксіз жетілдіру тетіктерін енгізуге жәрдемдесу, сапа мәдениетін және комплаенс қағидаттарын дамыту; академиялық адалдық, кәсіби және әлеуметтік этика, іскерлік және басқарушылық жауапкершілік қағидаттарының сақталуын қамтамасыз ету; білім беру процесін, қатысушылардың қанағаттану деңгейін және басқару процестерінің тиімділігін бағалау үшін социологиялық зерттеулер мен аналитикалық сауалнамаларды ұйымдастыру болып табылады.

Сапаны қамтамасыз ету департаментінің құрылымына ішкі сапаны қамтамасыз ету бөлімі, ішкі бақылау және академиялық комплаенс бөлімі, әлеуметтанулық зерттеулер зертханасы кіреді.