Корпоративтік хатшы

2021 жылғы 25 тамызда «Л.Н. Гумилев атындағы Еуразия ұлттық университеті» КеАҚ-да штаттық саны 3 бірлікті құрайтын Корпоративтік хатшы қызметі құрылды.

Қоғамның Директорлар кеңесінің 2022 жылғы 26 қазандағы №08/22 хаттама шешімімен Корпоративтік хатшы лауазымына Мадияр Батыйханұлы Орынбаев тағайындалды.

Корпоративтік хатшының міндеттері және негізгі функциялары:

1) Қоғам органдары мен лауазымды адамдарының корпоративтік басқару саласындагы Заңнаманы, Қоғам Жарғысы мен ішкі құжаттарын сақтауын, сондай-aқ корпоративтік басқару саласындағы саясат пен практиканы жетілдіруді қамтамасыз ету;

2) Директорлар кеңесінің тиімді қызметін қамтамасыз ету;

3) берілген құзырет шеңберінде Қоғам туралы маңызды ақпаратты сақтауды, ашуды және ұсынуды, сондай-aқ ақпараттық ашықтықтың жоғары деңгейін қолдауды қамтамасыз ету.

Қоғамның органдарының, лауазымды адамдарының корпоративтік басқару саласындағы Заңнаманы, Қоғам Жарғысы мен ішкі құжаттарын сақтауын қамтамасыз ету, сондай-ақ корпоративтік басқару саласындағы саясат пен практиканы жетілдіру жөніндегі міндеттерді орындау үшін Корпоративтік хатшыға мынадай функциялар жүктеледі:

1) өз құзыреті шегінде Қоғамның лауазымды тұлғаларына Заңнамаға және Қоғамның ішкі құжаттарына байланысты мәселелер бойынша консультациялар беру және ұйымдастыру;

2) Директорлар кеңесін Қоғамда анықталған Заңнаманың және Қоғамның ішкі құжаттарының бұзылуы туралы хабардар ету;

3) Қоғамның ішкі құжаттарын әзірлеуге, қайта қарауға қатысу;

4) Қазақстан Республикасында, шетелде корпоративтік басқару саласындағы қолданыстағы практиканы, үрдістерді, даму перспективаларын мониторингілеу және талдау және лауазымды тұлғаларға, тиісті органдар мен Қоғамның құрылымдық бөлімшелерінің басшыларына ақпарат, ұсынымдар енгізу.

Корпоративтік басқару принциптері:

- өкілеттіктерді шектеу принципі;

- акционерлердің құқықтары мен мүдделерін қорғау принципі;

- Директорлар кеңесі мен Басқарманың Қоғамды тиімді басқару принципі;

- тұрақты даму принципі;

- тәуекелдерді басқару, ішкі бақылау және аудит принципі;

- корпоративтік даулар мен мүдлделер қақтығысын реттеу принципі;

- Қоғам қызметі туралы ақпаратты ашудың ашықтығы мен объективтілігі принципі.