Ақпараттық жүйелерді талдау және тестілеу секторы

Ақпараттық жүйелерді талдау және тестілеу секторы «Еуразия ұлттық университеті» коммерциялық емес акционерлік қоғамының цифрлық даму және онлайн оқыту департаментінің құрылымдық бөлімшесі болып табылады. Сектор жұмысының мақсаты-ақпараттық жүйелердің жай-күйіне талдау жүргізу және университеттің цифрлық дамуының перспективалық бағыттарын айқындау.

Сектордың негізгі функциялары ақпараттық жүйелердің жұмыс істеуін талдау және университеттің бизнес-процестерін оңтайландыру үшін міндеттерді айқындау, университеттің цифрлық даму жай-күйіне тұрақты мониторинг жүргізу, бағдарламалық жасақтаманы (әрі қарай - БЖ) әзірлеуге техникалық тапсырмаларды дайындау, БЖ прототипін әзірлеу және келісу, БЖ-ға техникалық және бағдарламалық талаптарды айқындау, алгоритмдерді іске асырудың дұрыстығына және техникалық тапсырмаға сәйкестігіне БЖ тестілеу, БЖ-ны пайдалану жөніндегі нұсқаулықтар, әзірленген бағдарламалық жасақтаманы пайдалану және сүйемелдеу бойынша барлық мүдделі тұлғаларды оқыту, БЖ-ның жаңа нұсқаларын тестілеуді жүзеге асыру және олар бойынша қорытынды беру болып табылады.