Үздіксіз білім беру институты

Үздіксіз білім беру институты - Л.Н. Гумилев атындағы Еуразия ұлттық университетінің қосымша білім берудің білім беру бағдарламалары бойынша білім беру қызметін жүзеге асыратын құрылымдық бөлімшесі (профессор-оқытушылар құрамының, ғылыми кадрлардың, әкімшілік-басқарушылық және оқу-көмекші персоналдың біліктілігін арттыру; педагогтердің біліктілігін арттыру, сондай-ақ педагогтардың қызметін курстан кейінгі сүйемелдеу және білім беру бағдарламаларының тиімділігіне мониторинг жүргізу; бейресми білім беру; педагогикалық қайта даярлау; кәсіпорын қызметкерлерін, экономика, қаржы, бухгалтерия және менеджмент саласындағы мамандарды кәсіптік даярлау және қайта даярлау; педагогикалық бейіндегі магистратураның білім беру бағдарламасы бойынша бейіндік бағыттағы магистрлерді оқыту; Күміс университетінің курстары, Тілдік курстар).

Институттың мақсаты - білім беру және кәсіби қажеттіліктерді қанағаттандыру, адамның кәсіби дамуы.

Институт құрылымына сертификаттау орталығы кіреді.

Сертификаттау орталығы

Сертификаттау орталығы - Үздіксіз білім беру институтының сертификаттау және білімді растау саласындағы емтихандарды, «АССА», «ҚР Кәсіби бухгалтері», «Мемлекеттік аудитор» сертификаттау бойынша емтихандарды ұйымдастыру және өткізу жөніндегі қызметін жүзеге асыратын құрылымдық бөлімше.

Институт қызметінің бағыттары туралы толығырақ ақпарат институттың ресми сайтында берілген: https://ino.enu.kz/kz