Международная научно-теоретическая конференция посвящаенная 800-летию Улуса Джучи на тему «УЛУС ДЖУЧИ В ПЕРИОД СТАНОВЛЕНИЯ КАЗАХСКОЙ ГОСУДАРСТВЕННОСТИ: ИСТОРИЧЕСКИЕ УРОКИ И НАСЛЕДИЕ
2024 жылдың 7-маусымында Л.Н. Гумилев атындағы Еуразия ұлттық университеті Тарих факультеті Қазақстан тарихы кафедрасының ұйымдастыруымен Жошы Ұлысының 800 жылдығына арналған «Қазақ мемлекеттілігінің бастауындағы Жошы Ұлысы: тарихи тағылымы мен мұрасы» тақырыбында Халықаралық ғылыми-теориялық конференциясы өтті.
Мемлекет басшысы Қасым-Жомарт Тоқаев «Егемен Қазақстан» газетіне берген «Біз озық ойлы ұлт ретінде тек қана алға қарауымыз керек» сұхбатында және Ұлытау мен Атырау жерлерінде өткен Ұлттық құрылтай отырыстарында «...Ұлы даланың төрінде тұрған Ұлытау талай тарихи оқиғаның куәсі болған. Ел тағдырын айқындаған көптеген маңызды кеңестер дәл осында өткен. Киелі өлкеде Алтын орда әміршілері мен Қазақ хандарының ізі қалған Алтын орда мемлекетінің мұрагері ретінде Жошы ханның кесенесін абаттандыру – біздің адами және ғылыми парызымыз. Биыл Жошы ұлысының негізі қаланғанына 800 жыл толaды. Жошы ұлысы Қазақстанның мемлекеттілік дәстүрінде айрықша орын алады» деп көрсетті. Осы орайда, Мемлекет басшысы кең ауқымды зерттеулердің қолға алынуы қажеттігіне баса назар аударғаны анық.
Жошы ханның тарихи тұлғасына және қазақ тарихындағы орны мен рөлін зерделеуге бағытталған шараға тарихшы-ғалымдар, қоғам қайраткерлері, профессор-оқытушылар, докторанттар мен магистранттар қатысты.
Жиынның ашылуының кіріспе сөзінде Л.Н. Гумилев атындағы Еуразия ұлттық университетінің Басқарма мүшесі-академиялық мәселелер жөніндегі проректор А.Б. Бейсенбай конференция жұмысына сәттілік тіледі.
Пленарлық мәжіліске қатысқан Генерал-лейтенант, Қазақстан Ұлттық жаратылыстану ғылымдары академиясының академигі, Ресей Федерациясы Әскери ғылымдар академиясының толық мүшесі, тарих ғылымдарының докторы, қоғам қайраткері А.Б. Тасболатов, тарих ғылымдарының докторы, профессор, Мемлекет тарихы институты директорының орынбасары Б.Г. Аяған, ҚР ҰҒА құрметті Академигі, тарих ғылымдарының докторы, Л.Н. Гумилев атындағы ЕҰУ профессоры С.М. Сыздықов, тарих ғылымдарының докторы, Л.Н. Гумилев атындағы ЕҰУ профессоры Т.С. Садықов, тарих ғылымдарының докторы, С.Сейфуллин атындағы Қазақ агротехникалық зерттеу университеті Қазақстан тарихы кафедрасының профессоры Қ.Ж. Нұрбаев, тарих ғылымдарының докторы, Л.Н. Гумилев атындағы ЕҰУ профессоры М.А. Алпысбес, биология ғылымдарының кандидаты, доцент Еңбек гигиенасы және кәсіби аурулар Орталығының жетекші ғылыми қызметкері Р. Бейсетаев, онлайн жүйесінде Ғылым және жоғары білім министрлігі Ғылым Комитеті «Жошы Ұлысын зерттеу ғылыми институты» ҒЗИ директоры, PhD Ж.М. Сәбитов баяндамалар жасады.
Сонымен қатар, Мимар Синан көркем өнер университетінің профессоры Әбдіуақап Қара (Түркия), Ресейдің Доржи Банзаров атындағы Бурятия мемлекеттік университетінің проректоры В.В. Номогоева (Ресей) , Мажарстан Ғылым академиясының бас ғылыми қызметкері, түркітанушы Д. Шомфайдың (Венгрия) видео-құттықтаулары тыңдалды.
Ғылыми-теориялық конференция жұмысы барысында жасалған баяндамаларда «Әлем тарихындағы түркі өркениеті», «Жошы Ұлысы мен Қазақ хандығының этносаяси сабақтастығы», «Ұлытау – Тұранның этномәдени және саяси орталығы», «Жошы Ұлысы тарихының теориялық-методологиялық мәселелері» бағытындағы талдаулар барысында ғылыми маңызды тұжырымдар жасалды, аталған мәселелерге сәйкес дамытуды қажет ететін ғылыми зерттеу міндеттері айқындалды.
Конференцияда модераторлықты факультет деканы, тарих ғылымдарының кандидаты, доцент Ө.Ж. Бекмағанбетов атқарды.
Шара қорытындысында тарих ғылымдарының докторы, Л.Н. Гумилев атындағы ЕҰУ профессоры М.А. Алпысбеске Халықаралық Шыңғыс хан Академиясының академигі куәлігі табысталды.