Шығыс академиялық ұтқырлық - бұл ЕҰУ білім алушылары үшін кейіннен оқыту нәтижелерін ЕҰУ-да тану арқылы белгілі бір академиялық кезең ішінде басқа университетте білім алу мүмкіндігі.
Академиялық ұтқырлық шетелдік университеттерде немесе Қазақстан Республикасының университеттерінде жүзеге асырылуы мүмкін.
1. Хабарландыруларды қадағалаңыз
Өтінімдерді қабылдау тек ресми хабарландыру жарияланғаннан кейін басталады.
Хабарландырулар «PLATONUS» ААЖ → «Хабарландырулар» бөлімінде және Instagram: international_enu парақшасында жарияланады.
2. Конкурс шарттарымен танысыңыз
Хабарландыруда өтінімдерді қабылдау мерзімдері, қолжетімді бағдарламалар, қатысушыларға қойылатын талаптар және конкурс шарттары көрсетіледі.
3. Талаптарға сәйкестігіңізді тексеріңіз
Оқу кезеңі, GPA және шетел тілін меңгеру деңгейі бойынша белгіленген талаптарға сәйкес келетініңізге көз жеткізіңіз.
4. Университетті таңдаңыз
Өтінімдерді қабылдау басталғаннан кейін білім беру бағдарламаңызға қолжетімді университеттер тізімінен университетті таңдаңыз.
5. Құжаттарды дайындап, өтінім беріңіз
Қажетті құжаттар топтамасын дайындап, хабарландыруда көрсетілген мерзім ішінде өтінімді «PLATONUS» ААЖ → ЦОО модулі арқылы тапсырыңыз.
Халықаралық бағдарламалар бойынша өтінім беру тәртібі нақты конкурс шарттарына сәйкес айқындалады.
6. Іріктеу нәтижелерін күтіңіз
Конкурстық іріктеу нәтижелері белгіленген рәсім аяқталғаннан кейін хабарланады.
Қатысу кезеңі
Сыртқы академиялық ұтқырлық
|
Оқу деңгейі |
Қай кезде қатысуға болады |
|
Бакалавриат |
Өтінім беру — 2-семестрден бастап. Оқуға шығу — 3-семестрден бастап. |
|
Магистратура |
Қатысуға 2 және 3-семестрлерде болады. 2-семестрде қатысу үшін магистратураның білім беру бағдарламасы бакалавриатта меңгерілген білім беру бағдарламасына сабақтас болуы тиіс. 3-семестрде — бітіруші кафедрамен және Академиялық мәселелер жөніндегі департаментпен келісу арқылы. |
|
Докторантура |
2-семестрден 5-семестрге дейін қатысуға болады. 2-семестрде қатысу үшін докторантураның білім беру бағдарламасы магистратурада меңгерілген білім беру бағдарламасына сабақтас болуы тиіс. 5-семестрде — бітіруші кафедрамен және Жоғары оқу орнынан кейінгі білім беру бөлімімен келісу арқылы. |
Сыртқы академиялық ұтқырлық бойынша оқудың соңғы семестрінде шетелге шығуға жол берілмейді.
Жекелеген оқу кезеңдері бойынша қатысу шарттары туралы толығырақ ақпарат Академиялық ұтқырлық туралы ережеде көрсетілген.
GPA
Сыртқы академиялық ұтқырлыққа қатысу үшін — GPA кемінде 2,67.
Ішкі академиялық ұтқырлыққа қатысу үшін (Қазақстан Республикасының жоғары оқу орындарында оқу) — GPA кемінде 3,67.
Шетел тілі
Сыртқы академиялық ұтқырлыққа қатысу үшін оқыту тілін меңгеру деңгейін растау қажет:
|
Сертификат |
Ең төменгі талап |
|
IELTS |
5.0 |
|
TOEFL |
35 |
|
ENU-дың ағылшын тілі бойынша сертификаты |
B2 |
|
DELF |
B2 |
|
Goethe-Zertifikat |
B2 |
|
HSK 4 |
180 балл |
|
TÖMER / ENU-дың түрік тілі бойынша сертификаты |
B2 |
|
TOPIK |
4-деңгей |
|
JLPT |
N5 |
Жекелеген сыртқы академиялық ұтқырлық бағдарламалары бойынша тіл деңгейіне және ең төменгі баллға қойылатын талаптар бағдарламаның шарттарына немесе қабылдаушы университеттің талаптарына сәйкес өзгеше болуы мүмкін.
Ішкі академиялық ұтқырлыққа қатысу үшін тіл сертификаты талап етілмейді.
|
Академиялық ұтқырлық түрі |
Қажетті құжаттар |
|
Сыртқы академиялық ұтқырлық — ENU Students Ambassadors |
1.Шетелдік паспорт 2.3 тілдегі транскрипт 3.Тілдік сертификат |
|
Сыртқы академиялық ұтқырлық — Өзін-өзі қаржыландыру |
1.Шетелдік паспорт 2.3 тілдегі транскрипт 3.Тілдік сертификат |
|
Сыртқы академиялық ұтқырлық — ҚР ҒЖБМ гранты |
Перечень документов определяется условиями конкурса в соответствии с требованиями МНВО РК и указывается в объявлении о приеме заявок. |
|
Внешняя академическая мобильность — Международные программы (Erasmus+, Абай-Верн, UMAP, Орхун и др.) |
Құжаттар тізбесі ҚР ҒЖБМ талаптарына сәйкес конкурс шарттарымен айқындалады және өтінімдерді қабылдау туралы хабарландыруда көрсетіледі. |
|
Ішкі академиялық ұтқырлық — Қазақстан Республикасының жоғары оқу орындары |
1.Жеке куәлік және/немесе шетелдік паспорт 2.3 тілдегі транскрипт 3.Медициналық анықтама |
Назар аударыңыз: жекелеген бағдарламалар бойынша құжаттарға қосымша талаптар белгіленуі мүмкін. Құжаттардың өзекті тізбесін өтінімдерді қабылдау туралы хабарландырудан тексеру қажет.
Сыртқы шығыс академиялық ұтқырлық бағдарламалары
1. ENU Students Ambassadors
ЕҰУ бағдарламасы білім алушыларға бір академиялық семестр бойы шетелдік университетте білім алу мүмкіндігін ұсынады.
Географиясы:
Еуропа, Оңтүстік-Шығыс Азия, АҚШ, Түркия, Тынық мұхиты өңірі елдері.
Қаржылық қолдау:
Академиялық ұтқырлыққа байланысты шығындарды ішінара өтеу үшін ЕҰУ қаражаты есебінен бірреттік стипендия түрінде беріледі.
2. ҚР ҒЖБМ гранты
Қазақстан Республикасының Ғылым және жоғары білім министрлігі қаражаты есебінен қаржыландырылатын академиялық ұтқырлық бағдарламасы. Бағдарлама білім алушыларға шетелдік университетте білім алу мүмкіндігін ұсынады.
Географиясы:
Еуропа (Түркияны қоспағанда), Оңтүстік-Шығыс Азия, АҚШ.
Қаржылық қолдау:
Республикалық бюджет қаражаты есебінен көрсетіледі және бағдарлама шарттарына сәйкес жол жүру, тұру, медициналық сақтандыру және визалық алымдарға жұмсалатын шығындарды қаржыландыруды көздейді.
3. Erasmus+
Білім алушыларға Erasmus+ жобалары шеңберінде шетелдік серіктес университетте білім алу мүмкіндігін беретін халықаралық академиялық ұтқырлық бағдарламасы.
Географиясы:
Еуропалық Одақ елдері.
Қаржылық қолдау:
Оқу кезеңіне стипендия және жол жүру шығындарын қаржыландыру түрінде беріледі. Қаржыландыру шарттарын қабылдаушы университет айқындайды.
4. Orhun Exchange Program
Білім алушыларға бір академиялық семестр бойы шетелдік университетте білім алуға мүмкіндік беретін академиялық алмасу бағдарламасы.
Географиясы:
Түркия, Әзербайжан, Қырғызстан.
Қаржылық қолдау:
Қабылдаушы университеттің шарттарына байланысты. Бағдарлама аясында жатақханада тегін тұру және/немесе тегін тамақтану ұсынылуы мүмкін.
5. Абай–Верн
Қазақстан-Франция ынтымақтастығы аясында іске асырылатын және білім алушыларға француз университетінде білім алу немесе академиялық тағылымдамадан өту мүмкіндігін беретін академиялық ұтқырлық бағдарламасы.
Жекелеген білім беру траекториялары шеңберінде бағдарлама француз университетінің екінші дипломын алу мүмкіндігін де қарастырады.
Географиясы:
Франция.
Қаржылық қолдау:
Францияда болу кезеңіне ай сайынғы стипендия түрінде беріледі. Қаржыландырудың шарттары мен ұзақтығы бағдарлама талаптарына сәйкес айқындалады.
6. Басқа халықаралық бағдарламалар
ЕҰУ білім алушылары қолданыстағы келісімдерге, жобаларға және нақты бағдарламалардың шарттарына сәйкес басқа да халықаралық академиялық ұтқырлық бағдарламаларына қатыса алады.
Географиясы:
Нақты халықаралық бағдарламаның шарттарына сәйкес айқындалады.
Қаржылық қолдау:
Қолдаудың нысаны мен көлемі нақты бағдарламаның шарттарына сәйкес айқындалады және стипендияны, жол жүру мен тұру шығындарын қаржыландыруды немесе қолдаудың басқа да түрлерін қамтуы мүмкін.
7. Өзін-өзі қаржыландыру
Білім алушы шетелдік университетте өз қаражаты есебінен білім алатын академиялық ұтқырлық нысаны.
Географиясы:
ЕҰУ-дың шетелдік серіктес университеттері, сондай-ақ Free mover форматындағы басқа да шетелдік университеттер.
Қаржылық қолдау:
Көрсетілмейді. Академиялық ұтқырлыққа қатысуға байланысты шығындарды білім алушы өзі өтейді.
Қалай қатысуға болады
1. Өтінімдерді қабылдау туралы хабарландыруды күтіңіз
Өтінімдерді қабылдаудың басталуы мен мерзімдері туралы ақпарат Platonus ААЖ-да және ЕҰУ-дың ресми ақпараттық ресурстарында жарияланады.
2. Университетті таңдаңыз
Қазақстан Республикасының университет-серіктестері тізімімен танысып, білім беру бағдарламаңызға сәйкес келетін жоғары оқу орнын таңдаңыз.
Назар аударыңыз: қабылдаушы университет қатысуға қосымша талаптар мен шарттар белгілеуі мүмкін. Қабылдаушы жоғары оқу орнында оқу ақылы негізде жүзеге асырылуы мүмкін.
3. Өтінім беріңіз
Белгіленген мерзім ішінде Platonus ААЖ-ның БҚКО модулі арқылы өтінім мен қажетті құжаттарды тапсырыңыз.
4. Оқу мәселесін келісіңіз
Қабылдаушы университеттен растау алғаннан кейін академиялық ұтқырлық кезеңінде оқитын пәндер тізбесін ЕҰУ-дың бітіруші кафедрасымен келісіңіз.
5. Жол жүруге қажетті құжаттарды рәсімдеңіз
Қабылдаушы университеттен растау алғаннан кейін ЕҰУ-да белгіленген тәртіпке сәйкес академиялық ұтқырлыққа жіберуге қажетті құжаттарды рәсімдеу қажет.
Оқу деңгейі және оқу кезеңі
Бакалавриат
Қатысуға өтінімді 2-оқу семестрінен бастап беруге болады.
Академиялық ұтқырлық бағдарламасы бойынша оқуға 3-оқу семестрінен бастап баруға болады.
Оқудың соңғы семестрінде академиялық ұтқырлыққа шығуға жол берілмейді.
Магистратура және докторантура
Қатысу Ережеде белгіленген оқу кезеңдерінде жүзеге асырылады.
Білім беру бағдарламасы алдыңғы білім деңгейінің білім беру бағдарламасына сәйкес немесе сабақтас болуы тиіс.
Оқудың соңғы семестрінде академиялық ұтқырлыққа шығуға жол берілмейді.
Академиялық үлгерім
GPA — кемінде 3,67.
Қабылдаушы университеттің талаптары
Білім алушы қабылдаушы университет белгілеген талаптарға да сәйкес келуі тиіс.
Қажетті құжаттар
Ішкі шығыс академиялық ұтқырлыққа қатысу үшін келесі құжаттарды ұсыну қажет:
Құжаттар белгіленген мерзімде Platonus ААЖ-дағы ЦОО модулі арқылы тапсырылады.
Ақылы оқу жағдайында үшжақты келісім жасалады.
