«ҚОҒАММЕН БАЙЛАНЫС» МАМАНДЫҒЫ ҮШ ДҮРКІН ТҰҒЫРҒА КӨТЕРІЛДІ
Л.Н.Гумилев атындағы Еуразия ұлттық университеті, журналистика және саясаттану факультеті, телерадио және қоғаммен байланыс кафедрасының «Қоғаммен байланыс» білім беру бағдарламасы 2023-2024 оқу жылында үш рет тұғырға көтеріліп, білімгерлер ерекше көрсеткіш көрсете білді.
2024 жылы 25- 30 наурыз аралығында Л.Н. Гумилев атындағы ЕҰУ -нің Журналистика және саясаттану факультеті, Телерадио және қоғаммен байланыс кафедрасынан Қоғаммен байланыс мамандығының аға оқытушысы Г.С.Алгалиеваның жетекшілігімен «KÜLTEGIN» тобы құрамы 2- курс студенті Бекбулатов Алихан, 3- курс студенттері Турсунова Аружан, Салимжан Дильназ, Уайда Алуа, 4- курс студенті Нартаев Бақытжан Бишкек қаласында өткен Ж. Баласағын атындағы Қырғыз ұлттық университетінде «ЖООҒАЗЫН-2024» халықаралық студенттік фестивальге қатысты.
«ЖООҒАЗЫН-2024» халықаралық студенттік фестиваліне біршама университеттердің білімалушылары қатысты. Қырғыз-Ресей Славян университеті, Ж.Баласағын атындағы Қырғыз ұлттық университеті, Ош мемлекеттік университеті, М.Решетов атындағы Сібір мемлекеттік университеті (Ресей), К.Карасаев атындағы Бішкек мемлекеттік университеті, Қырғыз-Түрік Манас университеті, Алтай мемлекеттік университеті(Ресей) ТМД елдерінен келген ЖОО сегіз университет сайысқа түсіп, Л.Н. Гумилев атындағы Еуразия ұлттық университетінің «KÜLTEGIN» тобы фестиваль аясында өткен «Профессионал» олипиадасында PR мамандарына арналған MEGA,ТО «Малика», Қырғызтелеком компаниялары ұсынған кейстерді шешу топтық сайыстан Л.Н.Гумилев атындағы ЕҰУ-нің «KÜLTEGIN»тобы кейс шешуден және ұран қорғаудан ұшқыр ойларымен алға шығып І - ІІ орынды жеңіп алған болатын.
Сонымен қатар, осы жылы 22-25 сәуір күндері аралығында Л.Н.Гумилев атынадағы Еуразия ұлттық университетінің журналистика және саясаттану факультеті, телерадио және қоғаммен байланыс кафедрасының аға оқытушысы Алгалиева Гүлназым Сакенқызының жетекшілігімен Салимжан Дильназ, Тұрсынова Аружан, Нартаев Бақытжан, Уайда Алуа және Бекбулатов Алихан сияқты 3-курс студенттерінен құрылған «НOMAD» тобы Красноярск қаласында М.Ф.Решетнев атындағы Сібір мемлекеттік Ғылым және технологиялар университетінде Жарнама және қоғаммен байланыс бойынша жоғары оқу орындары арасында ХХІІ Бүкілресейлік «ЯрПиар» халықаралық олимпиадасында онлайн форматта бақтарын сынады.
Жарнама және қоғаммен байланыс бойынша жоғары оқу орындары арасында өткен ХХІІ Бүкілресейлік «ЯрПиар» халықаралық олимпиадасына Мәскеу, Санкт-Петербург, Бішкек, Астана, Томск, Иркутск және басқа қалалардан жиналған 28 университет қатысты.
«Қоғаммен байланыс» білім беру бағдарламасының 3- курс студенттері, команда жетекшісі аға оқытушы Алгалиева Гүлназым Сакенқызының тиянақтылығы мен кәсіби жауапкершілігінің жоғарылығының арқасында жоғары оқу орындары арасында өткен ХХІІ Бүкілресейлік «ЯрПиар» халықаралық олимпиадасында, командаға берілген тапсырмалар мен кейстерді уақытында жасап сайысқа түсе білді.
Л.Н.Гумилев атынадағы Еуразия ұлттық университетінің «НOMAD» тобы коммуникация саласындағы терең білімдерін, сондай-ақ сала мәселелерін шешуде шығармашылық көзқарастарын көрсете білді. Командалар арасындағы қызу бәсекелестік жақсы нәтижеге ұмтылуға түрткі болды.
Осылайша «НOMAD» тобы халықаралық олимпиаданың барлық іс-шараларына қатысып, белсенділік таныта білді. «НOMAD» тобы “Синяя Шишка” коммуникациялық жобалар сайысында “КрасЦветМет” компаниясының кейс тапсырмасын шешкені үшін І дәрежелі дипломмен марапатталса, "Аумақты жылжыту" топтық сайысының «Аумақты брендтеу стратегиясын әзірлеу» номинациясы бойынша жүлделі ІІ-дәрежелі дипломға, жеке біріншілік бойынша Салимжан Дильназ «Коммуникациялық жобаларды талдау» және «Ашық сұрақтар» номинациялары бойынша ІІ- дәрежелі дипломдарға ие болып, білімгерлердің өз деңгейлерін көрсеткен жетістіктері ерекше болды.
Сонымен қатар, 2024 жылдың 2-3 мамыр аралығында Қазақстан Республикасының жоғары оқу орындары арасында «6В03214 – Қоғаммен байланыс» мамандығы бойынша «Eurasian Digital PR – 2024» XVI Республикалық пәндік олимпиадасында «Қоғаммен байланыс» білім беру бағдарламасы үшінші рет тұғырға көтерілді.
Жуырда, жоғары оқу орындары арасында өткен «Eurasian Digital PR – 2024» XVI Республикалық пәндік олимпиадасына , Л.Н.Гумилев атындағы Еуразия ұлттық университеті, Әл-Фараби атындағы Қазақ ұлттық университеті, Академик Е.А.Бөкетов атындағы Қарағанды университеті, Алматы Менеджмент Университеті, «І.Жансүгіров атындағы Жетісу университеті» КеАҚ, «Тұран» университеті сияқты республикалық «Қоғаммен байланыс» мамандығын дайындайтын маңдай алды алты ЖОО алты университет қатысты.
Л.Н.Гумилев атындағы Еуразия ұлттық университетінің телерадио және қоғаммен байланыс кафедрасының аға оқытушысы Алгалиева Гүлназым Сакенқызының жетекшілігімен «НОМАД» тобы Турсунова Аружан Дарханқызы,С алимжан Дильназ Жұмасеитқызы, Досова Айша Ерболовна, Орынбасар Сымбат Айтмузақызы сияқты білімгерлер «Eurasian Digital PR – 2024» XVI Республикалық пәндік олимпиадасында болашақ мамандардың нарықты зерттеу машықтары мен сыни көзқарастарын бағалау, PR-маманы ретінде жұмысты ұйымдастыруда тың идеяларын ұсыну, жаңа медиа кезіндегі маманның қоғаммен байланыс әдістерін меңгеруін анықтау, қоғамдық пікірге үн қоса білуге және өзекті мәселелерді талдауға үйрету бағыттары бойынша оза алға шығып, Қоғаммен байланыс мамандығын ЖОО арасында өткен республикалық пәндік олимпиаданың І-Дәрежелі жеңімпазы атана білді. «Қоғаммен байланыс» мамандығының үшінші мәрте Жеңіспен тұғырға шықты.
Студенттерді ұйымдастырып, қолдауға мұрындық болған Л.Н.Гумилев атындағы Еуразия ұлттық университеті, журналистика және саясаттану факультетінің деканы Сақ Қайрат Өмірбайұлына, телерадио және қоғаммен байланыс кафедра меңгерушісі Дүйсенғазы Серікзат Мақсұтұлына және 2023-2024 оқу жылындағы «Қоғаммен байланыс» білім беру бағдарламасының білімалушыларына жоғары деңгейде көрсеткен жетістіктері үшін алғыс білдіреміз. Біз сіздермен мақтанамыз!