Саясаттану кафедрасының 3 курс студенттері өндірістік практикадан өтті
2024 жылдың 10 маусым күні «Саясаттану» мамандығы 3 курс студенттерінің кәсіби практикасы бойынша қорытынды конференциясы өткізілді. «С-31» тобының студенттері 2024 жылдың 20 мамыр мен 8 маусым аралығында т.ғ.к., саясаттану кафедрасының қауымдастырылған профессоры Теңгеш Серікбайқызы Қаленова жетекшілігімен өндірістік практиканы жоғары деңгейде өтті.
Практика базасы келесідей болды: Қазақстан Республикасы Парламенті Мәжілісі, Астана қаласы «Жастар» зерттеу орталығы, «АМАNAT» партиясы» қоғамдық бірлестігінің Ақтөбе облысы Шалқар аудандық филиалы, Қазақстан Республикасы Орталық сайлау комиссиясы және Қазақстан Республикасы Президенті жанындағы мемлекеттік басқару академиясы, Қазақстан Республикасы Астана студенттер Альянсы.
Өндірістік практика кезінде студенттер ҚР Парламент Мәжілісінде аппараттың сараптама-талдау бөлімінде жұмыс жасады. Практика барысында білімалушылар сарапшы, аналитик, комплаенс-контроллер қызметтерініі жұмыс ретімен және «Жастар» зерттеу орталығында анализдік талдау, орталықтың социологиялық бағытындағы зерттеулерімен танысты. «АМАNAT» партиясы» қоғамдық бірлестігінің Ақтөбе облысы Шалқар аудандық филиалында практикадан өткен студенттер партияға қатысты құжаттарды зерттеп, талдау жұмыстарына қатысты. Қазақстан Республикасы Орталық сайлау комиссиясы және Қазақстан Республикасы Президенті жанындағы мемлекеттік басқару академиясында кәсіби-өндірістік практиканы өткен студенттер ҚР ОСК талдау және коммуникациялар бөлімінің мұрағаттық құжаттарымен жұмыс жасады және талдау жүргізді.
Осы өндірістік практика өту нәтижесінде 3 курс студенттері кәсіби дағдыларын жетілдіріп, өздерінің теориялық білімдерін бекітті.