"Әлем балалардың көзімен" атты көрме-байқау
2024 жылғы 31 мамыр күні Сәулет-құрылыс факультеті, «Дизайн және инженерлік графика» кафедрасында 1 маусым Халықаралық балаларды қорғау күніне орай «Әлем балалардың көзімен» атты университет профессор-оқытушылық құрамы балаларының арасында сурет байқауы ұйымдастырылды.
Байқауға университеттің «Жалпы және теориялық физика», «Экономика және кәсіпкерлік», «Құрылыс», «Өнеркәсіптік және азаматтық құрылыс технологиясы» кафедралары мен Академиялық сұрақтар жөніндегі департаменті, Білім беру бағдарламаларын басқару және әдістемелік бөлімі, Карьера және бизнес әріптестік бөлімі, Шығыстарды есепке алу бөлімі, Сәулет және құрылыс факультеті деканатының және «Дизайн және инженерлік графика» кафедрасы қызметкерлерінің балалары қатысты. Байқауға қатысқан жұмыстар арнайы құрылған комиссиямен қаралып, бағаланды.
Байқау қорытындысы бойынша Дизайн және инженерлік графика кафедрасының меңгерушісі Самуратова Т.К. жеңімпаздарды 1, 2 және 3 дәрежелі дипломдармен және арнайы сыйлықтармен марапаттап, барлық қатысушыларға алғыс білдіріп, сәттілік тіледі.