Қос дипломдар бағдарламасы бойынша екінші шығарылым!
2024 жылы маусым айының 21 жұлдызында Л.Н. Гумилев атындағы Еуразия ұлттық университеті және МЭТИ (Мәскеу электрондық техника институты) Ұлттық Зерттеу Университеті (Мәскеу, РФ, https://miet.ru/news/165593) қос диплом бағдарламасы бойынша оқыған магистранттарды шығару оқиғасын атап өтті! 2021 жылдан басталған осы бағдарлама микроэлектроника және радиоэлектрондық аппаратураны жобалау саласындағы жоғары білікті мамандарды даярлау үшін екі университеттің күш-жігерін біріктіреді.
Биылғы жылда үш магистрант диссертацияларын сәтті қорғады:
- Алибек Б. «Сымсыз сенсорларға арналған иілгіш полиимидті платаларды зерттеу және жобалау» екі университеттің ғылыми жетекшілерінің жетекшілігімен дайындалды: ЕҰУ бойынша – Мусаханов Д., МЭТИ бойынша – Калугин В.
- Кадырова Ж. «Кристалдары қосылып енгізілген микросхемалардың сыртқы қаптамаларының қабаттарын қайта бөлу үшін арналған полимерлік микро-құрылымдарын зерттеу» екі университеттің ғылыми жетекшілерінің жетекшілігімен дайындалды: ЕҰУ бойынша – Айкеева А., МЭТИ бойынша – Коробова Н.
- Назиркулов Н. «Локомотивтерге арналған баспа платаларды жобалау және схема ішіндегі диагностикалау бойынша жүйелік тәсіл» екі университеттің ғылыми жетекшілерінің жетекшілігімен дайындалды: ЕҰУ бойынша – Бурамбаева Н., МЭТИ бойынша – Калугин В.
Оқуын бітіріп шыққан түлектерді құттықтаймыз және болашақта жоғары оқу орындарымызыдың арасындағы табысты ынтымақтастыққа үміттіміз!
Білім беру бағдарламасы бойынша
Бірлескен білім берудің магистерлік қос дипломдар бағдарламасы «Радиоэлектрондық аппаратураны жобалау және құрастыру» білім беру бағдарламасының негізінде Л.Н. Гумилев атындағы ЕҰУ және МЭТИ нано- және микро-жүйелік техникасы институтының «Mentor Graphics құралдарымен микрожүйелерді комплекстік жобалау» магистерлік бағдарламасының негізінде құрылды. Бұл бағдарлама микроэлектроника және электрондық өнеркәсіп өнімдерін жобалау әлемін тереңірек игергісі келетін магистранттар үшір арналып әзірленген.
Бұндай бірлескен бағдарлама екі университеттің магистранттарын екі мекеменің пәндері мен практикаларына шамамен бірдей көлемде оқытуды көздейді, сонымен қатар, ЕҰУ магистранттарына МЭТИ пәндерін онлайн форматта меңгеру мүмкіндіктері бар екенін атап өту керек, ал бұндай бағдарлама білім алушыларға ЕҰУ аумағынан шықпай оқуға мүмкіндік береді. Дәрістер мен практикалық сабақтар бейне-конференц-байланыс (БКБ) құралдарын пайдалану арқылы іске асырылып, өткізіледі, ал зертханалық жұмыстарды орындау үшін бағдарламалық қамтамасыз етуге қол жеткізу – электрондық компоненттік базаны және радиоэлектрондық аппаратураны ұжымдық жобалау Орталығы арқылы жүзеге асырылады. Сонымен қатар, магистранттардың өздік жұмыстары үшін, ҰЗУ НМЖТ институты МЭТИ әзірленген электрондық білім беру курстар да пайдаланылады.