Ұлттық және халықаралық салыстырмалы зерттеулер практикалары негізінде білім беру сапасын бағалау
2024 жылғы 20 маусымда Л.Н.Гумилев атындағы Еуразия ұлттық университетінің Әлеуметтік ғылымдар факультетінде «Бастауыш мектепте білім алушылардың білім жетістіктеріне мониторингі: қазақстандық контекстке шетелдік тәжірибе (Финляндия, Сингапур, Эстония)» ғылыми жобасын іске асыру шеңберінде «Ұлттық және халықаралық салыстырмалы зерттеулер практикалары негізінде білім беру сапасын бағалау» халықаралық ғылыми-практикалық конференциясы өткізілді.
Конференцияның негізгі мақсаты – ұлттық және халықаралық салыстырмалы зерттеулерде қолданылатын білім сапасын бағалаудың әртүрлі тәсілдері мен тәжірибелерін зерттеу және талқылау.
Конференция тәжірибе алмасу, үздік тәжірибелерді анықтау және білім беру сапасын бағалау жүйесін жақсарту бойынша ұсыныстар әзірлеу үшін білім беру саласындағы ғалымдардың, педагогтар мен сарапшылардың күш-жігерін біріктіруге бағытталған.
Конференция аясында келесі секциялар жұмыс істеді:
- Оқыту сапасы: бастауыш білім беру үшін бағалау баламалары.
- Білім беруді бағалау саласындағы саясаттың ұлттық және халықаралық басымдықтары мен үрдістері.
- Бастауыш мектептердегі педагогикалық практиканың сапасын өлшеу.
Секциялардың модераторлары п.ғ.к., доцент Салиева Айгүл Жанаевна, PhD Токатлыгиль Юлия Сергеевна, докторант Кожахметова Салтанат Нурлановна болды.
Секция жұмысында білім беру жүйесінің өзекті мәселелері бойынша студенттердің, магистранттардың, докторанттардың, жас ғалымдардың, практиктердің баяндамалары ұсынылды.