Л.Н. Гумилев атындағы ЕҰУ ғалымдары Римде ICESR 2024 халықаралық конференциясында Павлодардың ауа ортасының мониторингі бойынша зерттеулерін ұсынды
«Машинамен оқыту әдістерін қолдана отырып, Павлодар қаласы ауа ортасының экологиялық жай-күйін мониторингілеу және картаға түсіру» AP19677560 жобасын іске асыру шеңберінде Л.Н.Гумилев атындағы ЕҰУ ғалымдарының ғылыми тобы жобаның ғылыми жетекшісі - Р.З.Сафаров, аға ғылыми қызметкер - Копишев Э.Е., аға ғылыми қызметкер - Носенко Ю.Г. 10th International Conference on Environmental Systems Research конференциясының жұмысына қатысты (ICESR 2024), ол 2024 жылдың 20-22 тамызы аралығында Италияның Рим қаласында өтті. Халықаралық конференция экологиялық жүйелер саласындағы зерттеулерге арналды. Басты назар халық өсімінің әсеріне, табиғи ресурстардың шектеулі болуына және экологиялық жүйелерге климаттың өзгеруіне байланысты басым тақырыптарды талқылауға аударылды. Сафаров Р.З. «Spatial analysis of air quality distribution in the residential zone of an industrial city (Pavlodar, Kazakhstan)» тақырыбында баяндама жасады.
Сонымен қатар, ғылыми топ Sapienza Universita di Roma университетінде болды. Осы сапар кезінде атмосфералық ластағыштарды кеңістікте бөлуді математикалық модельдеу бойынша бірлескен ғылыми жұмыстар жүргізілді. Сапар барысында сондай-ақ ғылыми ынтымақтастық үшін Дүниежүзілік банк пен басқа да халықаралық қорларды қоса алғанда, әртүрлі көздерден зерттеулерді қаржыландыруға алып келуі мүмкін жолдар белгіленді.