![Loading...](/_nuxt/light-blue.e889c4fb.gif)
Оңтүстік Африка Республикасының Қазақстандағы Төтенше және Өкілетті Елшісі ЕҰУ-дың елдер арасындағы ынтымақтастықты дамытудағы ерекше рөлін атап өтті
![](https://smart.enu.kz/api/serve?path=/general/files/77f873de-6128-40ef-a7fc-09dbbaaefbc3.jpg)
Л.Н.Гумилев атындағы Еуразия ұлттық ұлттық университетіне Оңтүстік Африка Республикасының Қазақстан, Қырғызстан, Тәжікстан және Түркіменстандағы Төтенше және Өкілетті Елшісі Keitumetsi Seipelo Thandeka Matthews ресми сапармен келді. Кездесу барысында білім, ғылым және мәдениет салаларындағы ынтымақтастықтың келешегі мен мүмкіндіктері талқыланды.
Қонақтарды қарсы алған ЕҰУ ректоры Ерлан Сыдықов оқу орнының білім беру кеңістігін кеңейту мақсатында Оңтүстік Африка Республикасының Қазақстандағы елшілігімен ынтымақтастыққа дайын екенін атап өтті. Оның айтуынша, жақын арада ЕҰУ-да мәдени орталық ашу жоспарлануда, онда студенттерге Оңтүстік Африка Республикасының тарихы, елдің мәдениеті мен әдет-ғұрпы, тұрғындары, ұлттық минералдық ресурстары, жер қойнауы және табиғат туралы барлық мәліметтер ұсынылатын болады.
«Біздің міндетіміз – жоғары білікті мамандарды дайындау ғана емес, сонымен қатар жан-жақты дамыған, өмірлік құндылықтары дұрыс, толерантты тұлға тәрбиелеу», - деп түйіндеді ректор.
Е.Сыдықов ЕҰУ африкалық университеттердің өкілдерімен тікелей жұмыс байланысын орнатуға, сондай-ақ білім және ғылым саласындағы ынтымақтастық туралы пікір алмасып, талқылауға елеулі назар аударатынын атап өтті.
Өз кезегінде Оңтүстік Африка Республикасының Қазақстан, Қырғызстан, Тәжікстан, Түркіменстандағы Төтенше және Өкілетті Елшісі Keitumetsi Seipelo Thandeka Matthews ЕҰУ Оңтүстік Африка Республикасымен білім, мәдениет, ғылым салаларындағы ынтымақтастықты дамыту мен кеңейтуде шешуші рөл атқаратынын атап өтті.
Орталықтың ашылуына тоқталған елші ЕҰУ кабинеті африкалық стильде безендірілетінін атап өтіп, оның нағыз мәдени-ағарту орталығына айналатынына сенім білдірді.
«Мен үшін ең бастысы – білімді насихаттау, сондықтан біз, әрине, орталықты кітаппен қамтамасыз ететін боламыз. Қазақстандықтармен кездесулер барысында мен әрқашан Африкаға, оның тарихына деген шынайы қызығушылықты сезінемін. ЕҰУ-дағы бұл кабинет біздің еліміз туралы ақпарат көзі және студенттер Африка спикерлерінің аузынан Оңтүстік Африка туралы барлық қызықты ақпаратты ала алатын, континентіміздің мәдениетімен, дәстүрлерімен және әдет-ғұрыптарымен таныса алатын орын болады деп сенемін», - деді Оңтүстік Африка дипломаты.
Фотогалерея
![](https://smart.enu.kz/api/serve?path=/general/files/fc87e9fc-85f4-407b-b947-d3c77a958fad.jpg)
![](https://smart.enu.kz/api/serve?path=/general/files/422d8ec5-5353-4e8a-bb7f-5e96f1e91498.jpg)
![](https://smart.enu.kz/api/serve?path=/general/files/b5f7d800-727b-4542-9ee9-0580454f9f23.jpg)
![](https://smart.enu.kz/api/serve?path=/general/files/e38a0849-bd0f-4540-9a04-92d2fe968014.jpg)