![Loading...](/_nuxt/light-blue.e889c4fb.gif)
Испания университеттерімен ынтымақтастық жаңа деңгейге көтеріледі
![](https://smart.enu.kz/api/serve?path=/general/files/b6f16695-1495-4419-b8e1-0b2ee023b6e6.jpg)
Еуразия ұлттық университетіне алғаш рет Испания Корольдігінің Қазақстан Республикасындағы Төтенше және Өкілетті Елшісі Луис Франсиско келді. Л.Н. Гумилев атындағы ЕҰУ ректоры Ерлан Сыдықовпен кездесу барысында дипломат ынтымақтастыққа қызығушылық танытты.
«Маған университеттің өмірі ұнайды. Испанияның Қазақстандағы елшісі ретінде мен бірден Еуразия ұлттық университетіне баруды жөн көрдім. Сізге құрметімді білдіре отырып, мемлекеттеріміздің ғылыми және білім беру әлеуетінің әртүрлі аспектілері бойынша ынтымақтастыққа үміттенемін», - деді Луис Франсиско.
Өз кезегінде академик Ерлан Сыдықов Испанияның жоғары оқу орындарымен ынтымақтастығы жөнінде айтты.
«Бүгінде академиялық ұтқырлық және оқытушылар алмасу аясында Испанияның 8 университетімен байланысымыз бар. ЕҰУ-да Руй Гонсалес де Клавихо атындағы испан тілі орталығы жұмыс істейді, онда 200-ден астам студент Испаниядан келген профессорлармен бірге испан тілін оқиды. Сіздің бүгінгі сапарыңыз біздің алдағы ынтымақтастығымызға серпін береді деп ойлаймын», - деді ғалым.
Кездесу барысында тараптар бірлескен халықаралық қызметтің перспективалық бағыттарын талқылады.
Фотогалерея
![](https://smart.enu.kz/api/serve?path=/general/files/e8b5976d-2f26-4c97-ae69-b376a28b7662.jpg)
![](https://smart.enu.kz/api/serve?path=/general/files/e2dcc088-c07d-4493-958f-04a09c911e04.jpg)
![](https://smart.enu.kz/api/serve?path=/general/files/4fc819b2-9a6f-4e22-9fde-16ab48f2ac3c.jpg)