Әділетті Қазақстан: адал ұрпақ, сапалы білім тақырыбында
2024 жылдың 2 қыркүйегінде Л.Н.Гумилев атындағы Еуразия ұлттық университеті, педагогика кафедрасы эдвайзерлерінің ұйымдастыруымен «Әділетті Қазақстан: адал ұрпақ, сапалы білім» тақырыбында ашық куратор сағаты өтті. Іс -шараға «Педагогика және психология», «Әлеуметтік педагогика», «Мектепке дейінгі тәрбиелеу және оқыту» білім беру бағдарламасының 1 курс студенттері қатысты.
Іс-шараның идеясына Мемлекет басшысы Қасым-Жомарт Тоқаевтың «Әділетті Қазақстан: құқық тәртібі, экономикалық өрлеу, қоғамдық оптимизм» атты Қазақстан халқына Жолдауы негізге алынды.
Іс-шараны кафедра меңгерушісі профессор М.П.Асылбекова құттықтау сөз сөйлеп, бірінші курс студенттеріне болашақ мамандығын дамытуда табандылық пен қажырлылық тіледі. Сонымен қатар еліміздің дамуы мақсатында жасалып жатқан әрбір өзгерісті қабылдай отырып, адал өмір сүруге, сапалы білім алуға және әділетті Қазақстан құруға мүмкіндігімізді пайдалануымыз қажет.
Педагогика кафедрасының доценті А.Ш. Муталиева іс-шараны мазмұнды да мәнді презентацияны таныстырудан бастады. Ол өзінің ойын Мемлекет басшысы Қасым-Жомарт Тоқаевтың Ұлттық құрылтайда сөйлеген сөзімен жалғастырды. Студенттер сауалдарға жауап беріп, іс-шараға белсене қатысты.
Аға куратор А.Ш.Стыбаева әділетті Қазақстан, адал ұрпақ тәрбиелеуге байланысты өзекті мәселелерді талқылады.
Іс-шараны ұйымдастырған кафедра кураторлары А.Ш. Муталиева, Б.С.Байменова, О.Б.Шарипова, С.К.Ахтанова, Ү.И. Бүрдісбекова белсене қатысты.