Қазақстандық делегация, оның ішінде х.ғ.к., Л.Н.Гумилев атындағы ЕҰУ-нің асс. профессоры, Мұнай-газ-химия қауымдастығы жобалық кеңсесінің жетекшісі Ғайни Сейтенова Бангкоктағы БҰҰ сессияаралық отырыстарына қатысты
2024 жылғы 24-28 тамыз аралығында Бангкок, Таиланд Корольдігінде БҰҰ Қоршаған орта жөніндегі бағдарламасының ашық сараптамалық топтарының сессияаралық отырыстары өтті, онда Қазақстанды энергетика, экология, сыртқы істер, сауда және интеграция министрліктерінің өкілдері кіретін делегация ұсынды.
Қазақстан делегациясының құрамында Л.Н. Гумилев атындағы Еуразия ұлттық университеті (ЕҰУ) маңызды рөл атқарды. Университеттің атынан х.ғ.к., жаратылыстану ғылымдары факультетінің химия кафедрасының қауымдастырылған профессоры Ғайни Сейтенова болды, ол сондай-ақ Мұнай-газ-химия қауымдастығының жобалық кеңсесінің жетекшісі болып табылады. Отырыс шеңберінде пластиктермен ластану, оның ішінде теңіз ортасының проблемасын шешуге бағытталған бірінші халықаралық заңдық міндетті құжатты әзірлеуге байланысты негізгі мәселелер талқыланды.
ЕҰУ өкілінің осындай халықаралық пікірталасқа қатысуы университеттің жаһандық экологиялық мәселелерді шешудегі маңыздылығын растайды және оның халықаралық ынтымақтастыққа қосқан үлесін көрсетеді.
Бұл мәселе бойынша қорытынды келіссөздер 2024 жылғы қарашада Оңтүстік Кореяның Пусан қаласында өтеді және маңызды халықаралық келісімді әзірлеудің соңғы кезеңі болады.