2024 – Жаңадан қабылданған студенттерді таныстыру іс‑шарасы!
2024 – Жаңадан қабылданған студенттерді таныстыру іс‑шарасы!
Биылғы жылы Халықаралық қатынастар факультеті, Шығыстану кафедрасы рекордтық мөлшерде бірінші курс студенттерін қабылдады. Бұл шығыс мәдениеттері мен тілдерін тереңдетіп оқуға деген қызығушылықтың жоғары екендігін көрсетеді.
Бірінші курс студенттерімен кездесу барысында академиялық мәселелер бойынша проректор Бейсенбай А.Б., Халықаралық қатынастар факультетінің деканы Қосыбаев М.М., Шығыстану кафедрасының меңгерушісі Биримкулова Г.У. құттықтау сөз сөйледі.
Студенттерге кафедраның профессор-оқытушылар құрамы таныстырылды. Оларға дәрістер мен семинарлар өтетін оқу корпустары, оқуға қажетті әдебиеттерді таба алатын кітапханалар таныстырылды.
Кураторлар мен эдвайзерлер студенттерге қолдау көрсетіп, олардың жаңа ортаға бейімделуіне және оқу үдерісінде бағдарлануына көмектесті.
Біз барлық бірінші курс студенттерін университетке түсулерімен құттықтаймыз және оларға оқуда жарқын табыстар, қызықты жаңалықтар мен армандарына жету жолында ұмытылмас тәжірибелер тілейміз!