Е-21-02 және EPiB-21-02 топтарында Отбасы күніне арналған кураторлық сағат өтті
09.09.2024 Ж. Л. Н. Гумилев атындағы ЕҰУ экономика факультетінде "Экономика және кәсіпкерлік" кафедрасында В044-4105-21-02, В044-4102-21-02 топтарында Отбасы күнін мерекелеуге арналған кураторлық сағат өтті. Топ кураторлары Ж. К. Жанабаева мен А.М. Бержанова мереке идеясы туралы білім алушыларды таныстыра отырып, дәстүрлі құндылықтарымызды еске түсіру, бір-бірімізге қамқорлық жасау және отбасында жылулық пен сүйіспеншілікті сақтау қаншалықты маңызды екендігін атап өтті.
Кураторлық сағат тақырыбын талқылауға топ студенттері белсенді қатысып, мерекені құрудың және жыл сайынғы өткізудің негізгі мақсаты мәдени құндылықтарды, дәстүрлерді, руханиятты сақтау, өскелең ұрпақты тәрбиелеу, демографиялық, сондай-ақ отбасы институты арқылы әлеуметтік сипаттағы мәселелерді еңсеру жөніндегі ұлттық мемлекеттік міндетті іске асыру екенін тілге тиек етті.