Биыл жаратылыстану ғылымдары факультетінде шақырылған шетелдік профессор Емин Атасой (Бурса Улудаг университеті, Түркия) дәріс оқиды
2024-2025 оқу жылында физикалық және экономикалық география кафедрасының 4 курс студенттері мен магистранттарына шақырылған шетелдік маман Емин Атасой (Бурса Улудаг университеті, Түркия) дәріс оқиды.
Ғылыми зерттеу бағыттары: дүние жүзінің географиясы, халық географиясы, геосаясат, демография, этногеография, әлеуметтік-экономикалық география.
Профессор Емин Атасой келесі шетелдік университеттерінде шақырылған профессор ретінде жұмыс істеді:
- «Ст. Климент Охридски» София университеті– Болгария;
- Гданьск университеті – Польша;
- А.А.Кулешов ат. Могилев мемлекеттік университеті – Беларусь;
- Клайпеда университеті – Литва;
- Тарнава университеті – Словакия;
- «Неофит Рильски» ат. Оңтүстік-Батыс университеті – Болгария;
- Беларусь мемлекеттік университеті – Беларусь;
- Велико Тарново университеті «Ст. Кирилл мен Мефодий» – Болгария.
Е.Атасой физикалық және экономикалық география кафедра докторанттарының шетелдік жетекшісі. Профессор Емин Атасоймен бірлесе жұмыс істеген қазақстандық докторанттар Scopus және Web of Science деректер қорына енгізілген шетелдік журналдарында 25-тен астам ғылыми мақалалар жариялады, 7 PhD диссертация қорғалды.
2014 жылы профессор Емин Атасой Улудаг университетінде табысты жұмысы мен жоғары ғылыми нәтижелері үшін ректордың құрмет грамотасымен марапатталды.
Е.Атасой Л.Н. Гумилев атындағы ЕҰУ құрметті профессоры.