«Әлеуметтік ғылымдар» факультеті 1-ші курс студенттерінің «Дене шынықтыру және спорт» кафедрасында өткен бейімделу апталығы
«Дене шынықтыру және спорт» кафедрасының меңгерушісі Салиева А.Ж. студенттерді оқу жылының басталуымен құттықтап, оларға табыс тіледі. Кафедра кураторлары ретінде аға оқытушы Моисеева Н.А. және эдвайзер Рахимжанов Д.А., сондай-ақ Мамуркулов Р.К. мен Кенжетаева А.С. сөз сөйледі.
Университет әкімшілігі дайындаған бағдарлама аясында 1-ші курс студенттері университет құрылымы, оқу барысы және өз құқықтары мен міндеттері туралы ақпарат алды. Сонымен қатар, оларға "Платонус" жүйесі, кредиттік технология ережелері, сессиялар және рейтингтік бақылау жүйесі түсіндірілді.
Жоғары оқу орны ішкі ережелер бойынша кураторларға тапсырмаларды мұқият орындап, студенттерге бейімделу кезеңінде көмек көрсетуді тапсырды. Бейімделу апталығы бір аптаға созылып, бас ғимарат пен кітапханаларға экскурсия жоспарланғаны жарияланды.
Студенттер тарапынан қойылған нақты сұрақтар:
- Оқу күнінің ұзақтығы қанша сағатқа созылады?
- Кредиттік жүйе дегеніміз не?
- Топтан топқа ауысуға мүмкіндік бар ма?
- Сабақтар қай ғимаратта өтеді?
Одан кейін студенттер топтарға бөлініп, кураторларымен танысып, топ басшыларын сайлады. Кейін барлық студенттер «Әлеуметтік ғылымдар» факультетінің басшылығы ұйымдастырған жиынға қатысты.
«Әлеуметтік ғылымдар» факультетінің деканы Сомжүрек Б.Ж. студенттерді оқуға сәтті түсумен құттықтап, мақсаттарына жетуге шақырды. Оның шабыттандыратын сөздері 1-ші курс студенттердің арман-мақсаттарына жетуге деген ынтасын арттырып, жарқын болашаққа деген сенімдерін нығайтты.