Кураторлық сағатта студенттерге құқықтық мәдениет және психологиялық қолдау туралы айтылды
Экономика факультетінің "Менеджмент" тобының студенттері үшін "Құқықтық мәдениет және психологиялық қолдау" тақырыбында кураторлық сағат ұйымдастырылды.
Оған әлеуметтік және азаматтық даму департаменті директорының орынбасары, "Әдеп" жобалық кеңсесінің жетекшісі Еркебұлан Нұғыманов, психологиялық қолдау қызметінің жетекшісі Назерке Бейсенова және «Алматы» ауданы полиция бөлімінің учаскелік инспекторы, полиция майоры Ғалым Мауленов, деканның студенттермен жұмыс жөніндегі орынбасары Ж. Тажибаева қатысты.
Кездесу барысында Е. Нұғыманов студенттердің тәртібіне, құқықтық мәдениетіне, қоғамдық орындарда өздерін ұстай білу керектігіне, сыбайлас жемқолық мәселесіне, әлеуметтік желімен келетін дәлелсіз ақпараттарды таратпау мәселесі мен қатар университетте студенттер мен қызметкерлердің құқығын қорғайтын Омбудсмен бар екендігін, сыбайлас жемқорлықтың алдын алатын комплаенс-қызметінің жұмыс жасайтынын, сондай-ақ бас ғимаратта студенттермен, қызметкерлермен және қоғаммен байланыс орнату үшін Қоғамдық қабылдау жұмыс жасайтынын және өтінішті университеттің барлық оқу ғимараттарында, жатақханаларында орналасқан QR-код арқылы онлайн режимінде беруге болатындығын, сонымен қатар тікелей университет ректорымен, проректорлармен және департаимент директорларымен арнайы бекітілген кестеге сәйкес офлайн форматта кездесіп сұрақ қою мүмкіндіктерінің бар екендігін студенттерге айтып өтті.
Келесі сөз алған Н. Бейсенова Психологиялық қолдау қызметінің жұмысы жайлы қысқаша ақпарат бере отырып, психологтың көмегіне қандай проблемалармен жүгінуге болатыны туралы айтты. Университеттің психологггиялық ахуалын сақтауға арналған бірнеше кеңестер беріп өтті.
Учаскелік инспектор, полиция майоры Ғ. Мауленов студенттерге университет территориясында темекі шекпеуге, қоғамдық орындарда тәртіп сақтауға, лас сөз айтпауға шақырды. Сонымен қатар ол қала бойынша рейд жұргізіліп жатқанын және университет аумағында да рейд жүргізілетінін, тәртіп бұзған студенттерге әкімшілік хаттама толтыратындығын ескертті.
Кездесу барысында студенттер тарапынан сұрақтар қойылып, жауаптар берілді.