Гумилев әлемі
Ғылыми кітапхана 9 қазан күні дәстүрлі «Гумилев әлемі» жобасы аясында ғалым ескерткіші жанында танымдық сағат өткізді.
«Л.Н.Гумилев-Еуразия абызы» атты іс-шараның мақсаты - әлемге танымал түркітанушы-ғалым, көрнекті тарихшы, ақының мұрасын оқырман қауымға кеңінен таныстыру, ғалым жайлы қызықты да мазмұнды деректер беру болды. Осыған орай, жүргізуші А.Әбдумүтәліп пен Б.Рысбек Л.Н.Гумилёв жайлы қызықты деректер айтып, жиналғандар арасында викториналық ойын ойнатты. Студенттер өз өнерлерін ортаға салып, ғалымның танымал өлеңдерінен үзінді оқыды. А.Қонысбаев күмбірлете күй тартып, Б.Шукеновтың "Отан ана" әнін қосыла шырқады. Танымдық сағатта ғалым еңбектерінен кітап көрмесі қойылып, жастардың онымен тереңірек танысуына зор мүмкіндік берілді. Шара қызықты да мағыналы өтті.