«Кітапханашыға сұрақ» ақпараттық апталықтың қорытындысы!
Құрметті достар! Біздің студенттер үйінде өткізген "Кітапханашыға сұрақ" атты ақпараттық апталығымыз қатысушыларға пайдалы әрі қызықты болды. Осы апта барысында біз студенттерге кітапхананың мүмкіндіктерімен, ережесімен таныстырып, оқу процессіне қажетті мәліметтерді оңай табудың жолдарын, электрондық каталог пен ресурстарды пайдаланып және деректер қорына тіркелу туралы, ғылыми зерттеулерге қажетті материалдарды қалай табуға болатыны жайлы кеңес бердік.
Сонымен қатар, «American Corner and Maker Space Astana» ақпараттық ресурстар орталығының мүмкіншіліктері, "Maker Space" зертханасында техникалық дағдыларды жетілдіруге арналған курстар, тренингтер, семинарлар жайлы және студент өзінің жеке қабілеттерін дамытуға арналған орталықтың ұсынатын мастер-класстары туралы да ақпарат берілді.
Кездесу барысында студенттермен сұрақ-жауап жүргізіп, талқылап, өз көмегімізді ұсындық.
Егер оқу барысында көмек қажет болса немесе сұрақтарыңыз туындаса, біз әрқашан көмектесуге дайынбыз!
Барлық қатысушыларға алғысымызды білдіреміз, кітапханада кездескенше!