Магистратура

Магистратураға түсу үшін кешенді тестілеуден өту қажет:

1. Шет тілі бойынша тест (халықаралық сертификат болған жағдайда, балдарды аудару шкаласына сәйкес, өз қалауы бойынша шет тілі блогын тапсырудан босатылады);
2. Оқуға дайындықты анықтауға арналған тест;
3. Білім беру бағдарламалары тобының бейіні бойынша тест (екі пән).

Кешенді тестілеуге тіркеу ҰТО сайты арқылы жүргізіледі (http://app.testcenter.kz).

Кешенді тестілеудің сынақ тестін ҰТО сайты арқылы өтуге болады.

 Шекті балл:

- Гранттар конкурсына қатысу үшін - 75 балл;

- Ақылы негізде оқыту - 75 балл.

Мемлекеттік білім беру гранттарын беру конкурсында білім беру бағдарламаларының бір тобын және 3 жоғары оқу орнын таңдауға болады:

1) ғылыми-педагогикалық, оның ішінде шығармашылық дайындықты талап ететін білім беру бағдарламаларының топтары бойынша, араб тілін білуді талап ететін білім беру бағдарламаларының топтары бойынша - кемінде 75 балл, ықтимал 150 баллдан

2) бейінді магистратурада білім алу үшін кешенді тестілеудің 70 балдық бағалау жүйесінің шкаласына сәйкес кемінде 30 балл, бұл ретте білім беру бағдарламалары тобының бейіні бойынша: бірінші бейінді пән бойынша - кемінде 7 балл, екінші бейінді пән бойынша - кемінде 7 балл

Білім беру грантын беру конкурсына қатысу үшін КТ бойынша ең жоғары балл жинаған үміткерлер құқылы:

1) қазақ немесе орыс тілінде оқытатын ғылыми-педагогикалық магистратураға-кемінде 75 балл, бұл ретте:

шет тілі бойынша-кемінде 25 балл;

білім беру бағдарламалары тобының бейіні бойынша:

а) бір дұрыс жауапты таңдағанда - кемінде 7 балл;

б) бір немесе бірнеше дұрыс жауаптарды таңдағанда - кемінде 7 балл;

оқуға дайындығын анықтауға арналған тест бойынша - кемінде 7 балл.

Л.Н. Гумилев атындағы Еуразия ұлттық университетіне Астана қаласының жергілікті атқарушы органы (ЖАО) комиссиясының 2026 жылғы 22 мамырдағы  №107-1777 хаттамасына сәйкес 2026-2028 оқу жылына арналған мемлекеттік білім беру тапсырысы бойынша білім беру бағдарламаларының келесі топтары бойынша гранттардың тізімі жарияланды.

Жергілікті бюджет қаражаты есебінен мемлекеттік білім беру тапсырысы бойынша конкурсқа қатысу үшін өтініштерді қабылдау күнтізбелік жылдың 24–25 тамызы аралығында жоғары және (немесе) жоғары оқу орнынан кейінгі білім беру ұйымдары (ЖЖОКБҰ) арқылы жүзеге асырылады.

Конкурсқа қатысу үшін кешенді тестілеу нәтижесі бойынша кемінде 75 балл жинау қажет, оның ішінде:

шет тілі бойынша – кемінде 25 балл;

оқуға дайындығын анықтауға арналған тест бойынша – кемінде 7 балл;

білім беру бағдарламалары тобының бейіні бойынша:
а) бір дұрыс жауапты таңдауға арналған тапсырмалар бойынша – кемінде 7 балл;

ә) бір немесе бірнеше дұрыс жауапты таңдауға арналған тапсырмалар бойынша – кемінде 7 балл.

Қажетті құжаттар тізбесі:

өтініш (еркін нысанда);

жоғары білімі туралы құжаттың түпнұсқасы;

жеке басын куәландыратын құжаттың көшірмесі;

кешенді тестілеу сертификатының көшірмесі;

шет тілін меңгергендігін Жалпыеуропалық шет тілдерін меңгеру құзыреттеріне (стандарттарына) сәйкес растайтын сертификат (бар болған жағдайда);

075/у нысанындағы медициналық анықтама (флюорография көшірмесімен);

еңбек кітапшасының көшірмесі (бар болған жағдайда).

Байланыс телефондары: 8 (7172) 709 450, 8 708 425 26 59

Мекен-жайы:

Астана қаласы, Қажымұқан көшесі, 13а, №6 оқу-зертханалық корпус,
Сәулет-құрылыс факультетінің ғимараты, 2-қабат.

Назар аударыңыз!!!

Қазақстан Республикасының «Білім туралы» Заңының 47-бабының 17-тармағына сәйкес оқу аяқталғаннан кейін жергілікті атқарушы органның жолдамасы бойынша кемінде үш жыл жұмыс өтеу міндеті жүктеледі.

Қабылдау комиссиясының байланыс деректері

Қабылдау комиссиясының жұмыс уақыты

Дүйсенбі - жұма: 09:00-18:00 (13:00-14:00 түскі үзіліс)

Кәсіби бағдар беру бөлімі